Тусгаар тогтнол өнө мөнхөд оршиг

Нийт Монголчууддаа Монгол улс 20-р зуунд дахин тусгаар тогтнолоо олж авсны 98 жилийн баярын мэндийг хүргье. Энэ өдөр бол бидний өнөөдрийн эрх чөлөөтэй байгаагийн үндэс. 20-р зуунд гарсан тэрхэн үүлэн чөлөөний нарыг олж харсан үндэсний сэхээтнүүддээ талархах өдөр бол өнөөдөр. 220 жил Монголын минь дээрээс тусах нарыг хааж байсан Манж хэмээх хар үүлийг алга болгосон, дахин тусгаар тогтнол хэмээх алтан нараа олж харсан сайхан өдөр учир нийт Монголчууддаа Монголоо гэсэн сэтгэл зүрхтэй иргэн бүрт баярын мэндийг өчүүхэн миний бие дэвшүүлж байна.

Хүмүүн бичиг захиалдгийн учир

Хүмүүс надаас чи энийг захиалдаг юм уу гэж сонины шинэ дугаар ирэх бүрт асуух юм. Тэр болгонд би тиймээ гэж хариулаад орхидог. Харин өнөөдөр өөрийн блог дээрээ шалтгаанаа тоочихоор шийдлээ. Би Монгол хүн болж төрсний хувьд даяаршиж буй өнөө үед өв соёлоо хадгалан үлдээх түгээн дэлгэрүүлэхэд өөрийн зүгээс бага ч болсон хувь нэмрийг оруулах ёстой хэмээн боддог. Энэ бодлынхоо хүрээнд хүмүүн бичиг хэмээх Монгол бичгээр хэвлэгдэн гардаг одоогийн цор ганц сониныг захиалдаг. Нөгөө талаараа энэ бол миний зүгээс эх орныхоо төлөө хийж буй өчүүхэн үйлдэл. Автобусныхаа билетийг хаа нэгтээ хамаагүй хаядаггүйг эс тооцвол. Нэг улирлын үнэ нь 1200 төгрөг.

Монголд Шуудан, Мэдээлэл, Харилцаа холбооны салбар үүсэж хөгжсөний 88 жилд

Хувь заяагаараа ч юм уу холбооны талын мэргэжил эзэмшээд одоо түүнийхээ үр шимийг хүртэгч нэгэн бол би. Энэ долоо хоногт манай салбарын 88 жилийн ойн баяр болж байна. Нийт салбарынхандаа Монгол Улсад Шуудан, Харилцаа, Холбооны салбар үүсэж хөгжсөний 88 жилийн ойн баярын мэндийг хүргэе. Манай салбар үүссэн цагаасаа хүн төрөлхтний хөгжил дэвшлийн чухал салбар байлаа дайны жилүүдэд ялалтад хүрэхэд чухал нөлөөтэй байлаа. Нэгэн жишээ өгүүлэхэд дунд сургуульд байхад холбооныхоо утсыг амаараа зууж, залгаад амь үрэгдсэн БНМАУ-н баатар Холбоочин М.Жанчив гээд үздэг байж билээ. Ийм л хариуцлагатай байсан одоо ч чухал салбарт ажиллаж байгаа нөхдөдөө баярын мэндийг дахин дэвшүүлье.

Үнэн үг байна

Хүнээс үг сонсч сурна гэдэг
Хүмүүжлийн гол түлхүүр

Надад зориулсан үгс бололтой

Энэ хорвоо дээр над шиг залхуу хүмүүс олон байх гэж өөрийгөө хуурсаар байгаад өдийг хүрлээ. Тэгсэн чинь энийгээ засаа гэж хэн нэгэн хүнээр дамжуулж бурхан хэлсэн бололтой.
Өөртөө анхааруулга өгөөд тэр үгсийг оруулчъя.

Бурхан нэг л төрлийн хүнийг харж үздэг тэр нь
Өөрөө өөртөө анхаарал тавьдаг хүн

Хүнийг алдаг ганц зүйл бол бэлэнчлэх сэтгэлгээ
Оройд гарахын тулд оролд оролд оролд ...

за иймэрхүү л үгс байх шиг байна. Хоолтойгоо хольчихгүй юмсан.

Эртний сайхан

Нэлээд дээрээс нэгэн дууг өөрийн блогдоо оруулах юмсан хэмээн бодоод дууны үгийг нь олчоод харин дууг нь Дорждагва гуайн юм уу Ламжав гуйн дуулсанаар олох гээд олдохгүй явсаар өдийг хүрлээ. Олдохгүй ч юм шиг байна дууны шүлгийг тухайн үед өөрийн бичиж байсан сэтгэгдлйихээ хамт орууллаа.

Эртний сайхан хэмээх энэ уртын дуу бол Миний Монголын хамгийн анхны төрийн дуулал юм гэнэлээ. Одоо ч гэсэн найр наадмыг нээдэг хүндэтгэлийн дуу. Энгээд дуугаа үгтэй нь оруулъя(үгийг хэний blog-s хуулсанаа санадаггүй тэр хүн уучлаарай ^_^)

Эрт- нээ сайхан ерөөлөөр үү
Энэ- ээ Монголын оронд –нээ
Эзэн Чингис хааныхаа
Язгуурын ээчээ Бүрдвээ
Тэнгэр мэт-үү заяатай
Тэгш-ий таван оюунтай
Тэнэгэр уужим зарлигтай
Тэнгэрийн мин-ну үр сад би-лээ
Олон одон-у дунд эчээ
Саран-у гэрэл тодорхой
Олон хүмүүн-ү дунд эчээ
Яндар мэт чимигтэй
Сүмбэр уул-ийн оройгоо эчээ
Сүндэртэн сацараад-у
Сүр-ү жавхлан дэлгэрээд
Сүлд-ину бат-у бол-тугай
Хамаг номын рашаан-ыг
Хана-хуй чинээгээ-рү хүртээ-дү
Хаган эзэн Чингисийнхээ өм-нү
Хамаг бүгдэгээ-рү жиргаяа

Мэргэн үгс

Ямар нэг юманд анхаарал хандуулж чадахгүй байгаа бол түүн дотор
Ямар нэг үнэтэй зүйлээ хадгалчих

Эзэнтэй үгс

Маргааш бол өнөөдрийн аугаа их дайсан.
Маргааш нь бидний хүчийг асгаруулж, биднийг тамирдуулж, биднийг зүгээр суулгадаг.

Э.Лабуле

Афоризм

Мөнхийн дайсан гэж үгүй
Мөнхийн найз гэж үгүй
Харин мөнхийн зорилго гэж бий

Windows Vista-н нууц үг унагаах нь

Хэрэв танд Windows Vista-н password унагаах хэрэг гарсан бол.


Hack Windows Vista! - video powered by Metacafe

Гар утасны ориг хулихыг шалгахдаа

Та биднйи өдөр тутмын хэрэглээ болсон гар утасны ориг эсвэл хулхийг мэдэх маш хялбар аргыг танд зөвлөхөөр энэхүү мэдээллийг нийтэлж байна. Та өөрийн гар утсандаа *#06# гээд бичээд үзээрэй. Тэгээд таны гар утасны ориг хулхи эсэх нь гарч ирэх сериал номериудын 7 ба 8 дахь орнуудаас шууд хамааралтай. Олон улсад хэрэглэгддэг чанарын стандартын хэмжүүр гэнэ шүү. Тэгэхээр үнэн л байж таарч байна. Мөн дэлхийд гар утас үйлдвэрлэдэг болон угсардаг маш цөөхөн үйлдвэрүүд байдаг юм байна...
Гар утас нь угсрагдсан байвал хулхи гэж үзнэ. харин үйлдвэрлэгдсэн гэж байвал ориг гэж үзэж болно.

• Хэрэв 7 ба 8 дахь орон нь 00 гэсэн цифрүүд байвал энэхүү утас нь өөрийн жинхэнэ үйлдвэртээ үйлдтэрлэгдсэн бөгөөд хамгийн сайн чанарын ориг утас гэж үзэж болно. Жишээ нь таны утас NOKIA фирмийнх бол энэхүү утас яг NOKIA фирмдээ үйлдвэрлэгдсэн ярих юмгүй ориг утас гэсэн үг. /Хамгийн сайн/

• Хэрэв 7 ба 8 дахь орон нь 01 юмуу 10 гэсэн цифрүүд байвал энэхүү утас нь Финланд улсад үйлдвэрлэгдсэн бөгөөд сайн чанарын утас юм байна. /Боломжийн сайн утас/

• Хэрэв 7 ба 8 дахь орон нь 08 юмуу 80 гэсэн цифрүүд байвал энэхүү утас нь Герман улсад үйлдвэрлэгдсэн бөгөөд тийм ч муугүй утас юм байна./Дундаж утас/

• Хэрэв 7 ба 8 дахь орон нь 02 юмуу 20 гэсэн цифрүүд байвал энэхүү утас ньчанарын хувьд муу ба Арабын нэгдсэн Эмират улсад угсрагдсан байдаг. /Муу утас/

• Хэрэв 7 ба 8 дахь орон нь 13 гэсэн цифрүүд байвал энэхүү утас нь Азербайжанд угсрагдсан бөгөөд хамгийн муу чанарын утас юм байна. Мөн энэхүү утас нь хүний эрүүл мэндэд ч муу хор нөлөөтэй. /Маш муу бас маш аюултай/

Мөн дэлхийн том том гар утас үйлдвэрлэгч компаниуд маань өөрсдийн гэсэн үйлдвэртэй ба тэрхүү үйлдвэр нь жинхэнэ ориг утас үйлдвэрлэдэг.

Хэрэв та Remote Desktop ашгилдаг бол...

Хэрэв та Remote Desktop ашгилдаг түүнийгээ Start->Programs... гэж ажиллуулдаг бол одоо арай хялбараар ажиллуулж мэддэг болно. Яаж гэж үү?
Start->Run MSTSC гэж бичээд ENTER.

Хэрхэн Windows XP SP3 бэлтгэх вэ?

Эрчүүддээ...

Өнөөдөр Монголын Орчин цагийн зэвсэгт хүчин байгуулагдсаны 88 жилийн ой болж байна. Монголынхоо нийт эрчүүддээ
Үзэх царай үзэсгэлэнтэй
Ярих үг сонсголонтой
Эв эеийг дээдэлсэн
Эрийн чанарыг эвцэлдүүлэн шингээж яваарай хэмээгээд Монгол эр хүний тухай өгүүлсэн сайхан уртын дуу "Идэр жинчин" зориулав.

Идэр жинчин

Алс холын замаар
Алхлан сажлан туулж
Ачаа жингийн хүндийг
Амар сайнаар нэвтрүүлэгч

Атан олон тэмээд минь
Арын говийг бүрхжээ

Шингэн лимбийн дуугаар
Миний нутгийг санагдуулж
Ширээ тэгшхэн бөхөөрөө
Жингийн хүндийг өргөгч

Шилдэг олон ат минь
Шилийн говийг бүрхжээ

Идэр жинчин бид
Эрэмгий чадлаа гаргаж
Ингээд аяны замаар
Эрх тааваараа туулаад

Энэ орны ардыг
Эд бараагаар хангацгаая
1936 он

Бүсгүйчүүддээ баярын мэндийг хүргэе

Хүмүүн заяаг өгсөн ээж тандаа
Хөөрхөн алаг үр төрүүлж өгсөн хань чамдаа
Хамтдаа тоглож өссөн дүү чамдаа
Хорвоогийн чимэг болсон бүсгүйчүүддээ
Олон улсын эмэгтэйчүүдийн баярын мэндийг хүргэе
Та нар маань аз жаргалаар бялхаж явах болтугай

Shutdown command-г гараас

Заримдаа PC-ээ асаалттай орхиод тодорхой хугацааны дараа унтраах хэрэг гардаг. Миний хувьд юм татаж орхиод дуусахаар нь унтраах хэрэг их гардаг.
Энийг WindowsXP үйлдлийн систем(бусад windows дээр ажиллах байх гэж бодож байна) дээр дараах байдлаар хэрэгжүүлнэ.
Start -> Run сонгоод дараах тушаал(command) өгнө.

shutdown -s -t секунд -c "текст"
энд -s shutdown
-t time буюу хугацаа секундээр
-c Унтрахаас өмнө гарах текст
Ер нь дээрх тушаалд дараах боломж(option) байна.
-l Log off
-r Reboot буюу дахин ачааллах
-f Хүчээр унтраах гэж бодож байна. Ашиглаж үзээгүй.

Харшлалт хэмээх шороон үхэр жил гарах гэж байна

Монгол зон олон маань
Хотлоороо сайхан шинэлж
Хотоороо өөдлөн дэгжиж
Хөгшид буурлуудаа дээдэлж
Хүүхэд багачуудаа баярлуулж
Сайхан шинэлэх болтугай

MySQL-н root хэрэглэгчийн нууц үгээ мартсан бол

Өнөөдөр насны доройтол болсон уу яасан MySQL -нхаа root хэрэглэгчийн нууц үгийг мартаад буцаад сэргээх аргаа Google ахаасаа асуутал MySQL-н сайт дээр дараах зөвлөгөө байхым.

За ингээд гол ажилдаа оръё

1. Мэдээж administrator эрхтэй хэрэгдэгчээр орох хэрэгтэй.

2. Start Menu -> Control Panel -> Administrative Tools -> Services
гэж ороод MySQL -н процессыг сонгоод STOP хийнэ.

3. Шинээр TXT файл үүсгээд түүн дээрээ дараах текстийг оруулна.
UPDATE mysql.user SET Password=PASSWORD('MyNewPass') WHERE User='root';
FLUSH PRIVILEGES;
Энд MyNewPass бол шинээр оруулж байгаа нууц үг.

4. TXT файлаа нэр өгөөд хадгална. Хадгалахдаа олоход амархан газар хадгалбал зүгээр.
Жишээ нь: C:\mysql-init.txt.

5. Start Menu -> Run цонхоо гаргаад cmd гэж бичээд ENTER.

6. Одоо MySQL -дээ дараах тушаалыг өгнө.
C:\Program Files\MySQL\MySQL Server 5.1\bin\mysqld --defaults-file="C:\Program Files\MySQL\MySQL Server 5.1\my.ini --init-file=C:\mysql-init.txt
гэж бичээд ENTER. Ер нь бол MySQL суулгасан газрын хаяг. Минийх дээр ийм байгаа болохоос өөр газар заавал ийм байх албагүй шүү.
Хамгийн сүүлд зааж өгсөн "C:\mysql-init.txt" энэ хэсэг бол түрүүний шинэ нууц үгээ оруулсан файл шүү.

7. Одоо MySQL-ээ асаана. Ингэхдээ түрүүний STOP хийсэн газар буюу
Start Menu -> Control Panel -> Administrative Tools -> Services гэж ороод MySQL дээрээ баруунаа дараад START сонгоно.

За ингээд л болж байна. Магадгүй болохгүй бол ENGLISH хувилбарыг нь хараарай.

2008 онд

Хүн бүр л өнгөрсөн цаг хугацааны талаар бага ч атугай бодож дүгнэдэг байх. Миний хувьд ялгаагүй өнгөрсөн 2008 оныг өөрийнхөөрөө дүгнэхийг оролдъё.
Оны эхэнд нуган үрийнхээ зулайг үнэрлэн самсаа минь шархирч, хайлсан тугалга мэт уяхан болсон.
Хаваржингаа улс орон маань сонгуулиар амьсгалаад одоог хүртэл зарим нь дуусаагүй байна.
7 сарын 1нд аавын хөвгүүдийн амь дайнд бус гудамжинд үрэгдсэнийг сонслоо.Онц байдал зарлахаар яадгийг үзлээ.
Ялсан нам ялагдсантайгаа хамтарч ажиллахыг үзлээ.
Харин наадам сайхан боллоо. Үнэн шударга сайхан боллоо. Залуу хүчтэнүүд шинээр гарч ирлээ.
Наадмын дараа сард олимпийн наадам болж Монгол охид хөвгүүдийн төрийнхөө далбайг
тавантаа мандуулж, гурвантаа төрийн дууллаа эгшиглүүлсэн нь үнэхээр сайхан байлаа.
Сонгууль хүчингүй болж, дахин сонгууль болохыг үзлээ. Ард түмэн бас сонгох эрхээрээ үгээ хэлдэг л юм билээ.
Банкны систем тэрүүхэндээ доргиод авав
Гадаад далайн гүрний тэргүүн солигдох болж долларын ханш чангарав одоо ч хэвээрээ
Манай гадаадаас мөнгө олж ирдэг барааны үнэ огцом унасан.
Ингээд бүхэлд нь авч үзвэл эдийн засаг нь суларч, улс төр нь бужигнаатай
жирийн иргэд нь түүнд амьдралынхаа хэмнэлийг алдчихгүйг хичээсэн огцом донсолгоотой жил болох шиг боллоо.